Oqaasileriffik nunap aqqinik suliaqarnermut atatillugu fuldmægimik, siunnersortimik AC-fuldmægtigimilluunniit suleqatissarsiorpoq - Namminersorlutik O
Naalakkersuisut - Grønlands Selvstyre
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
Oqaasileriffik nunap aqqinik suliaqarnermut atatillugu fuldmægimik, siunnersortimik AC-fuldmægtigimilluunniit suleqatissarsiorpoq
Oqaasileriffimmi Nuummiittumi fuldmægtigitut, siunnersortitut AC-fuldmægtigitulluunniit atorfik 1. aggusti 2024-mit imaluunniit immikkut isumaqatigiissuteqarnikkut inuttalerneqassaaq.
Atorfik
Atorfik makkuninnga suliassartaqarpoq:
- Oqaasileriffimmi katersat toqqortaatillu nunat aqqinut tunngasut digitalinngortinneqarnissaat pillugu suliaqarneq
- nunat aqqinik katersaasivimmik ineriartortitsinermut atatillugu nunat aqqinik katersineq, nalunaarsuineq uppernarsaasersuinerlu
- Nunat Aqqinik Aalajangiisartut suliassaqarfiinut tunngasunik sullissinneq sullissinermullu atatillugu nunat aqqisa allattorsimaffii assigiinngitsut misissuiffigissallugit, suliaqarfigissallugit ineriartortissallugillu
- Kalaallit Nunaanni nunat aqqi pillugit siunnersuineq, ilitsersuineq paasissutissanillu taakkununnga tunngasunik nittarsaassineq
- nunatsinneersunik nunattalu avataaneersunik suliffeqarfinnut nunat aqqi pillugit sulialinnut attaveqartarneq, nalunaarusiorneq suleqateqarnerlu
- Oqaasileriffimmut saaffiginnissutit nunat aqqinut tunngasut pillugit akissusiortarneq
Piginnaasassat piumasaqaatillu
- suliaqarfimmut naleqquttumik ilinniagaqarsimaneq, kalaallit kulturiat, oqaluttuarisaanerat taakkununngaluunniit assingusoq immikkut sammisaralugit
- kalaallit kulturiannut oqaluttuarisaanerannullu tunngasunik suliaqarnermik misilittagaqarneq
- misissueriaatsinik assigiinngitsunik misilittagaqarneq
- namminersorsinnaaneq
- nutaaliorsinnaaneq
- qarasaasiaq atorlugu nunalerissutinik (GIS-programminik) ArcGIS-imillu ilisimasaqarneq misilittagaqarnerlu - tamannali piumasaqaataanngilaq ilinniartitsineq pisinnaammat
- Oqaatsit: kalaallit oqaasii, danskisut tuluttullu.
Neqeroorutigisinnaavarput
- suliassat pissanganartut assoruunnarsinnaasullu
- suliffeqarfik suliassanik siammasissunik suliassalik suleqatillu pikkorissut
- suliffik suliat tungaasigut ineriartorfissaqarluartoq
Sulinermi piffissaq sapaatip-akunneranut nalunaaquttap akunneri 40-t.
Oqaasileriffik pillugu
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani ingerlatsivik inatsisit kalaallit oqaasiinut tunngasut tunngavigalugit suliassanik ingerlatsisoq. Annertunerusumik nittartakkami www.oqaasileriffik.gl-imi atuarit.
Nunat Aqqinik Aalajangiisartut pillugit
Nunat Aqqinik Aalajangiisartut inissisimanerat, suliassaat atuuffiilu il.il. pillugit annertunerusumik paasisaqartoqarsinnaavoq innersuussissut manna aqqutigalugu: Nunat Aqqinik Aalajangiisartut pillugit Inatsisartut inatsisaat nr. 4, 1, juni 2017-imeersoq
Paasissutissat annertunerusut
Atorfik pillugu annertunerusumik paasisaqarusuttut Oqaasileriffimmut saaffiginnissinnaapput, ukununnga:
- Arnaq B. Johansen, nunat aqqinik suliaqarnermi akisussaasoq ([email protected], tlf.: +299 38 40 65)
- Beatrine Heilmann, Oqaasileriffimmi pisortaq ([email protected], tlf.: +299 38 40 61).
Qinnuteqarnissamut killigititaq
Qinnuteqaat, ilinniarsimanermut uppernarsaat CV-lu tiguneqareersimassapput: ataasinngorneq 1. juuli 2024, nal. 12.00.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "Qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Previous Next
Immikkoortoq:
FacebookTwitterLinkedInE-mailUdskriv
Qinnuteqarnissamut piffissaliussaq:
juulip 1.-at, 2024 12:00
Saaffigisassaq:
Beatrine Heilmann
+299 38 40 61
Atorfinitsitsinerup suussusaa:
Piffissaq tamakkerlugu suliffik
Atorfinitsitseriaaseq:
Isumaqatigiissutit tunngavigalugit piumasaqaatit
Suliassaqarfik:
Ilisimatusarneq ineriartortitsinerlu
Nunap immikkoortua:
Kommuneqarfik Sermersooq
Naalakkersuisoqarfik:
Grønlands Sprogsekretariat / Oqaasileriffik
Manutooq 1
Innersuussinermi normu allaguk:
00.00.00-00.000-00
Opslaget er indhentet automatisk fra virksomhedens jobsider og vises derfor kun som uddrag. Log ind for at se det fulde opslag eller gå videre til opslaget her: