KANUAANA Aningaasaqarnermut ingerlatsinermullu pisortassarsiorpoq - Namminersorlutik Oqartussat
Naalakkersuisut - Grønlands Selvstyre
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
KANUAANA Aningaasaqarnermut ingerlatsinermullu pisortassarsiorpoq
Aalisarsinnaanermut akuersissutinik nakkutilliisoqarfik (KANUAANA) aningaasaqarnermut ingerlatsinermullu pisortassarsiorpoq, aalisarnermik nakkutilliisoqarfimmi suliassarpassuit ingerlatseqataaffigalugit ineriartortillugillu kajumissuseqarluni Kalaallit Nunaanni inuussutissarsiutip pingaarnerup aqunneqarnerani peqataarusuttumik.
Suliassat
- Aningaasaqarnermut tunngasut
- Aqutsisoqatigiit peqatigalugit suliffimmik ineriartortitsineq
- Ingerlatsinermi suliassat
- Aalisarnermut piniarnermullu nakkutilliisut ilinniartitaaneranut aqutsisoq
- Immikkoortortaqarfiup suliassaasa sulisuisalu aqunneqarnerat
Illit
Suliat suliarineqarnerini sulerusussuseqarlutit aallarneerusussuseqartuuvutit. Sulianik ajornakusoortunik suliaqarnermi nakimaattuuvutit, ammasuullutit akuulluartuullutillu. Ulluni allanngorartuni ulapaarfiusunilu sulisunik aqutsillutillu oqaloqatiginnikkusuttuuvutit. Naatsumik oqaatigalugu saaffigiuminartuullutit, inissaqartitsillutillu sullisserusuttuullutit.
Piginnaasat
Ujartorparput ingerlariaqqiffiusumik ilinniagalik, aningaasaqarnermik allaffissornermillu, suliffiup aaqqissuussaaneranik ingerlataqarnermi suleqataarusuttoq, makkuninnga piginnaasalik:
- Takussutissalimmik sulisunik aqutsinermik misilittagalik
- Misissueqqissaarnermik pilersaarusiornermillu pitsaasunik piginnaasalik, aqutsisunut aalajangiussassanik suliaqarnermi paasissutissat pitsaasumik iluameersumillu tunngaveqarnerinik ilisimasalik.
- Pisortat suliffeqarfiini aningaasaqarnikkut ingerlatsinermi atortunik atuisinnaassuseqarneq misilittagaqarnerlu.
- Allaffissornermik ingerlatsinermi pisortat suliffeqarfiini namminersortuniluunniit misilittagaqarneq, allakkanik naqitikkanillu katersuivinnik ilisimasaqarneq.
- Kalaallisut, qallunaatut tuluttullu oqaatsinik atuilluarsinnaallunilu allassinnaasoq.
- Ulluinnarni Office -mik atuinermik ilisimasalik.
Naatsorsuutigaarput, illit:
- Nammineersinnaassuseqarlutillu akisussaassuseqartuusutit, aammali allanik suleqateqarnikkut aaqqiissutinik qaffasissumik pitsaassusilinnik nassaarsinnaaneq pingaartitarigit.
- Tunniusimalluni sulianik tunngavilersorluakkanik naammassinnissinnaasoq.
- Suliffimmi persiuarsiorfiunngitsumi piviusorsiorfiusumili suleqataarusunneq kissaatigigit.
- Suliffimmi politikkikkut aqunneqartumi suleqataarusuttutit.
- Immikkoortortami allat peqatigalugit ataatsimooqatigiinnermik pingaartitsisutit nuannaartuullutillu.
Attavissaq/paasissutissat:
Atorfimmut tunngatillugu paasisaqarnerorusukkuit, Claus E Nielsen på tlf. +299 34 53 77 imaluunniit e-mail: [email protected] attaviginissaanut tikilluaqqusaavutit.
Namminersorlutik Oqartussat pillugit paasisaqarnerorusukkuit uani atuarsinnaavatit: www.nanoq.gl Atorfiit toqqarlugu.
Qinnuteqarfissaq
Atorfimmut qinnuteqarnissamut killigitinneqarpoq ulloq 04. juli 2024.
Ulloq atorfiniffik 01. September-i 2024 isumaqatigiissuteqarnikkulluunniit.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
KANUAANA pillugu
Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) Kalaallit Nunaanni aalisarnermik, piniarnermik aallaaniarnermillu paasissutissanik katersuisarpoq, nakkutiginnippoq nakkutilliillunilu. Namminersorlutik Oqartussat aalisarnermik piniarnermillu inatsisit eqqortinneqarnissaasa qulakkeernissaa qulakkeerneqarnissaat KANUAANA-p pingaarnertut anguniagaraa, tassunga aamma ilanngullugit malittarisassat aalisarneq pillugu nunat marluk isumaqatigiissutaat imaluunniit Kalaallit Nunaata nunat tamat akornanni suleqatigiiffinni peqataaffigisaanni imaluunniit aalisarnermik ingerlatsineq pillugu nunat tamat isumaqatigiissutaannik akuersineq naapertorlugit atuutilersinneqartut. Sulineq Aalisarnermut Piniarnermullu Naalakkersuisoqarfik qanimut suleqatigalugu ingerlanneqartarpoq.
KANUAANA Nuummi qullersaqarfeqarpoq aammalu Sisimiuni, Ilulissani Nuummilu nunap immikkoortuini allaffeqarluni. Qullersaqarfimmi sulisut 15-iupput, taakkulu allaffissornermut, it-mut aamma nunat akornanni suleqatigiinnermut, Nakkutilliisoqarfimmullu aaqqissuussaallutik. Nakkutilliisoqarnermut 11-nik aalisarnermik alapernaarsuisoqartumut kiisalu nunap immikkoortuini allaffinnut pingasunut katillugit 17-inik aalisarnermik piniarnermillu nakkutilliisoqartumut aaqqissuussaapput. Aamma www.kanuaana.gl takuuk.
Akissarsiat atorfeqartitaanermilu atugassarititaasut:
Atorfik akissaateqarfimmi (LR 36) maanna inissisimavoq.
Akissarsiani (LR36)-imi akissarsianut immikkoortut allajangersimasut imatut isikkoqarput: 1. April 2022-imi qaammammut 50.291 koruunit aamma ukiumut 603.496 koruunit.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Piffissaq suliffiusoq tunngaviusumik sapaatit akunneranut nal. ak. 40-nik sivisussuseqarpoq, aammalu atorfeqarnermut atatillugu ukiumut 320-t ukiup sisamararterutaanut 80-t piareersimasussaatitaaneq atuutsinneqarpoq, aammalu ullunut sulinngiffeqarfinnut annaasanut ajunngitsorsiat pillugit aalajangersakkat atuutsinneqanngillat.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Previous Next
Immikkoortoq:
FacebookTwitterLinkedInE-mailUdskriv
Qinnuteqarnissamut piffissaliussaq:
juulip 4.-at, 2024
Saaffigisassaq:
Claus Nielsen
+45
Atorfinitsitsinerup suussusaa:
Piffissaq tamakkerlugu suliffik
Atorfinitsitseriaaseq:
Isumaqatigiissutit tunngavigalugit piumasaqaatit
Suliassaqarfik:
Aqutsineq
Nunap immikkoortua:
Kommuneqarfik Sermersooq
Naalakkersuisoqarfik:
GFLK / Grønlands Fiskerilicenskontrol og Jagtbetjentordning
Imaneq 4
Opslaget er indhentet automatisk fra virksomhedens jobsider og vises derfor kun som uddrag. Log ind for at se det fulde opslag eller gå videre til opslaget her: