Immikkoortortami meeqqanut inuusuttuaqqanullu perorsaasutut tunngavilimmik atorfik, Inuusuttut Inaat Qaqortoq - Namminersorlutik Oqartussat

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Immikkoortortami meeqqanut inuusuttuaqqanullu perorsaasutut tunngavilimmik atorfik, Inuusuttut Inaat Qaqortoq

Eqqarsartuuit ataatsimoorluarnikkut kikkut tamarmik inissqarneranik? Piumassuseqarluartuullutillu meeqqamut ajunnginnerusumik allanngueqataasinnaallutit, unammillernartumi inissisimasumi? Pilersitseqataarusuppit meeqqap naleqassusaanik paasitissallugu, ajunngitsumik najoqqutalimmik takutitsivigineratigut? Taamaappat ilittut ittut ujartorpagut - Inuusuttut Inaata qitiusumik suliassai eqaatsumik ataatsimullu isiginnittaaseqarluta sulinitsigut naammassiniartarpavut – tamatigut meeqqat ataasiakkaat piginnaasaat aallaavigisarlutigit.
Ujartorpavut perorsaasut assingusunilluunniit ilinniagallit tunniusimasut aalaakaasullu, Namminersorlutik Oqartussat ulloq unnuarlu meeqqanik inuusuttunillu najungaqatigiiffiutaani sulerusuttut.
Atorfinitsitsisoqassaaq 15. november 2024 imaluunniit isumaqatigiissuteqarnikkut.
Inuusuttut Inaanni sulisutut naatsorsuutigineqarpoq, suliarnik aallussilluarumasuusutit kiisalu inissaqartitsillutit alapernaatsuusutit. Taamaaliornitsigut takusinnaassavarput ataatsimoorussamik isiginnittaaseqrluni sulianillu ilisimasanillu oqallissinnaaneq pingaartikkit, tamatullu ataatsimoorussani ataatsimut isiginnittaaseqarneq sulisinnaanermi qitiussaaq, meeqqat ataasiakkaat pisariaqartitaat aallaavigalugit.
Atorfik pillugu

• attaveqaqatigiinnerit pilersinneqassapput, ataatsimoorneq attaveqaatillu

• isummeqataasinnaaneq misilittakkat aallaavigalugit aammalu ilisimasatigut

• sulinermi siunniussat, suleriaatsit sinaakkutit aalajangersakkat malinneqassapput

Naatsorsuutigaarput

• perorsaasutut ilinniagaqarsimasutit imaluunniit assingusumik ilinniagaqartutit / misilittagaqartutit

• meeqqat inuusuttuaqqallu immikkut pisariaqartitallit suliffiginissaannut tunngaviusumik ilisimasaqartutit

• namminersorlutit sulisinnaasutit taavalu suleqatit aqutsisullu pisussaaffeqaqatigalugit suleqatigisinnaagitit

• meeqqanut toqqissisimanartumik ineriartuutaasunillu atugassaqartitsinissamut kajumissuseqartutit

• ingerlaavartunik killiffimmik nassuiaatinik pilersaarutinillu suliaqarsinnaasutit

• Suliffiit nikerartut, akunnerup naanerani sulinerit aammalu meeqqat angalaqatigisarnissaanut piareersimaffigigitit

Neqeroorutigaavut

• Suliassat assigiinngissitaartut

• Sullivik pissanganartoq imaqarluartorlu, ineriartortuartoq

• Pikkorissartarnikkut ilinniaqqittarnikkullu suliatigut inuttullu ineriartornissamut periarfissalik

• Avataaneersumik oqilisaassisartoqarnikkut oqaloqateqarluni imaajartarnissamut periarfissalik

• Sulliffik unammillernarsinnaasoq

Inuusuttut Inaannut saaffiginninnikkut sukumiinerusumik paasisaqartoqarsinnaavoq. Tlf. 642117 imaluunniit [email protected]
Qinnuteqarnissamut killigittitaq 17. oktober 2024

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Previous Next

Immikkoortoq:
FacebookTwitterLinkedInE-mailUdskriv

Qinnuteqarnissamut piffissaliussaq:
oktobarip 17.-at, 2024 16:00

Saaffigisassaq:
Camilla Hansen
645647

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Ilinniartitsineq perorsaanerlu

Nunap immikkoortua:
Kommune Kujalleq

Naalakkersuisoqarfik:
Inuusuttut Inaat
Sanatorievej B-17