Namminersorlutik Oqartussani Ingerlatsinermut Aserfallatsaaliinermullu immikkoortortaqarfik Suliniummut 'BIM'-mut (Building Information Model) 2-nik a

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Namminersorlutik Oqartussani Ingerlatsinermut Aserfallatsaaliinermullu immikkoortortaqarfik Suliniummut 'BIM'-mut (Building Information Model) 2-nik aqutsisussarsiorpoq

Namminersorlutik Oqartussani Ingerlatsinermut Aserfallatsaaaliinermullu immikkoortortaqarfik Suliniummut 'BIM'-mut (Building Information Model) 2-nik aqutsisussarsiorpoq
Suleqatigiit piumassuseqarluartut suleqatigalugit Qitiusumik allaffeqarfiup illutaasa ingerlanneqarnerannut aserfallatsaalineqarnerannuullu akisussaasutut sulerusuppit? Ingerlatsinermut Aserfallatsaaliinermullu allaffimmit allaffissornermi illuutinik tamanik BIM-imut nalunaarsuisarnissaq pillugu misiligummik suliniummut aqutsinissamut ilisimasaqarluartunik pissarsiortoqarpoq.

Atorfiit pillugu
Ingerlatsinermut Aserfallatsaaliinermullu immikkoortortaqarfimmi BIM pillugu misiligummik suliniummut aqutsisutut atorfiit pilersinneqaqqammersumut aqutsisutut atorfinitsinneqassaatit, BIM sanaartugassatut pilersaarutinik tamanik suugaluartunulluunniit pilersaarusiornissamut, ilusilersuinissamut aamma assinngortitsinissatmut ataqatigiissaarinissamullu atortussartsialaavoq. Immikkoortortaqarfimmit Namminersorlutik Oqartussat Nuummi allaffissornikkut illuutaat 25 missaaniitut ulluinnarni ingerlanneqarnerat aserfallatsaalineqartarnerallu isumagineqartarput.

Illit suliassarivat illuutinik nalunaarsuisarnermik suliniutip aallartisarneqarnissaa, erseqqinnerusumik oqaatigalugu illuutigineqartut Autodesk Revit-mi imaluunniit AutoCad-imi titartarneqarnissaat.
Misiligummik suliniuteqarnermi teknikkikkut tunngaviit ataqatigiissutaarsartullu aqulluarneqarnerulernissaat anguniagaavoq, immikkoorortaqarfimmi sulisut sanaartugassatut pilersaarutit suugaluartulluunniit tamarmik titartarneqarsimanerannik qularnaatsumilk paasissutissanillu isumaginnilluarnissamut periafissaqalersinniarlugit.

Atorfiit perlersinneqaqqammersut nutaajummata suliassatit aqqutigalugit sunniuteqarfigilluarnissanut periarfissaqarluarputit.

Uagut neqeroorutigaagut
Illuutinik nakkutilliivimmi sulineq pissanganartoq paasisimasatigullu unammillernartunik avatangiisilik. Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq. Allaffik Aningaasaqarnermut Sulisoqarnermullu Aqutsisorqarfimmi inissisimavoq tassanilu allafimmi pisortaq sulisullu arfinillit sulipput.

Sulineq sapaatip akunneranut akunnernik 40-nik sivisusseseqarpoq. Piffissami sivikinnerusumi sulisinnaaneq periarfissaavoq, tamannali atuutissappat silisunut inissiamik atuisinnaaneq atorunnaassaaq.

Atorfiniffissaq 01. december 2024 imaluunniit isumaqatigiissuteqarnikkut.

Ilinnut tunngasut
Teknikkikkut atuagarsornertalimmik ilinniarsimasuuvutit aamma Autodesk Revit-imi aamma/imaluunniit AutoCad-imi titartaasinnaavutit Misiligummullu suliniut tamakkiisumik tukusinnaallugulu aqussinnaavat. Biilinik ingerlatitsisinnaanermut allagartaqarputit (immikkoortoq B).

• Ilinniarluarsimassasutit soorlu sanaartornermi teknikeritut, bygningskonstruktøritut imaluunniit ingerlatsinerup aserfallatsaaliinerullu iluini misilittagaqarlutit Arktisk ingeniøritut.
• Ilinniarnermini inerlaat naleqquttumik piginnaasallit aamma isiginiarneqarput
• Teknikkikkut piginnaasaqarputit aamma ingerlatsassat aserfallatsaaligassallu pilersaarusionerannnik misilittagaqarputit, taakkununnga ilanngullugit BIM-imi Dalux-imillu programminik, soorlu Autodesk Revit-imik AutoCad-imillu pitsanngorsaasinnaallutillu illuutit qanoq innerannik nalunaarsuisinnaavutit.
• Atuinissamut pisariillisaanisssamut isumassarsiorsinnaassuseqarputit.
• Suliariumannittussarsiornermi suliaqarnissamut kiisalu entreprenørit sanasullu aqutsisuuffiginissaanut misilittagaqarputit.
• Namminersorlutit suliaqarsinnaavutit ulaparfiusumilu ataatsimut isiginnissinnaavutit, suliassanillu pilersaarusiorsinnaassuseqarputit kiisalu sulianik malitseqartitsisinnaavutit.
• Ammasuussutit, saaffigiuminarlutit inuillu assigiinngitsunik tunuliaqutallit suleqatigisinnaallugit.
• Suleqatitsialaasutit suleqatikkuminartutillu, suleqatit eqqarsaatigalugit
• Sanaartornikkut naatsorsuusiorsinnaassaatit aningaasaqarnikkullu misilittagaqartutit.
• Oqallorissuussaatit, oqaatsitigut allattariasornikkullu pisinnaasaqarluarlutit, iluaqutaassarlu Kalaallisut/qallunaatullu piginnaasaqaruit.

Sulilersussap piukkunnartilip immikkut siunnersortitut imaluunniit pisortatut siunnersorttitut atorfinitsinneqarsinnaanera periafiassaavoq.

Attaveqarneq qinnueteqarnerlu
Atorfiit pillugit apeqqutissaqaruit, allaffiup pisortaanut saaffiginnissallutit tikilluaqquneqarputit uunga, Susie Kristiansen uugguuna [email protected] imaluunniit +299 34 52 08-mut sinarlutut imaluunniit allaffiup pisortaanut Ella Lynge [email protected] imaluunnit +299 34 66 65.

E-mailikkut qinnuteqartit tiguneq ajorpavut.

Ulloq qinnuteqarnissamut killissarititaasoq tassaavoq, ataasinngorneq 18. november 2024. Ulloq 01. december 2024 atorfinitsitsisoqassaaq isumaqatigiissuteqarnikkulluunniit. Atorfik ujarneqassaaq www.naalakkersuisut.gl-imi atorfiit aqqutigalugit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Previous Next

Immikkoortoq:
FacebookTwitterLinkedInE-mailUdskriv

Qinnuteqarnissamut piffissaliussaq:
novembarip 18.-at, 2024 23:55

Saaffigisassaq:
Susie Kristiansen
345208

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Illuliorneq sanaartoornerlu

Nunap immikkoortua:
Kommuneqarfik Sermersooq

Naalakkersuisoqarfik:
Serviceafdelingen
Aqqusinersuaq 5